राष्ट्रिय प्रजातन्त्र पार्टी नेपालका अध्यक्ष कमल थापाले राप्रपाका उपाध्यक्ष रवीन्द्र मिश्र र महामन्त्री धवलशम्शेर जबरालाई भेटेका छन्।
शनिबार भद्रकालीस्थित काठमाडौं प्रहरी परिसर कार्यालय पुगेर थापाले मिश्र, जबरा र स्वागत नेपाल लगायतलाई भेटेका हुन्।
भेटका क्रममा थापाले तिनै जनालाई स्वास्थ्यको ख्याल गर्न र चिन्ता नगर्न आग्रह गरेको राप्रपा नेपालका महामन्त्री राजाराम बर्तौलाले जानकारी दिए।
आफूहरुलाई भेट गर्न आएकोमा थापालाई तिनैजनाले आभार प्रकट गरेका थिए।
भेट गर्न थापासँगै राप्रपा नेपालका महामन्त्री राजाराम बर्तौला सहितका नेताहरु भद्रकाली पुगेका थिए।
तीनकुनेमा हिंसात्मक प्रदर्शनपछि उपाध्यक्ष मिश्र र महामन्त्री जबरासहितलाई प्रहरीले शुक्रबार राति नै पक्राउ गरेको थियो।
-1746009348.jpg)
